काठमाडौं । सहकर्मीमाथि निर्घात कुटपिट गरेका नेपालका पूर्व अन्तर्राष्ट्रिय खेलाडी रितेश थापामाथि ज्यान मार्ने उद्योगमा अनुसन्धान हुने भएको छ । काठमाडौं प्रहरी परिसरका प्रमुख एसएसपी दान बहादुर कार्कीले थापाबारे अनुसन्धान भईरहेको कुरा बाह्रखरीले खबर प्रकाशित गरेको छ ।

नेपाल प्रहरीका नायव निरीक्षक समेत रहेका रितेश थापाले गत साउन १० गतेका दिन नेपाल पुलिस क्लब कै नियमित खेलाडी भरत शाहमाथि निर्घात कुटपिट गरेका थिए । थापाको कुटपिटबाट गम्भिर रुपमा घाईते भएका साहको बिएण्डबी अस्पतालमा उपचार भएको थियो ।

साह नेपाल पुलिस क्लबका महत्वपूर्ण सदस्य हुने भने प्रहरी हवल्दारका रुपमा समेत कार्यरत छन् ।