बिराटनगर । जनपथ फुटबल एकेडेमी, बिराटनगरको आयोजनामा यही असोज १५ देखि शुरु हुन गईरहेको जनपथ बडा दशैं कप मिनी पोष्ट खुल्ला नकाउट फुटबल प्रतियोगिताको तयारी पूरासँगै खेलतालिका पनि सार्वजनिक भएको छ ।

प्रतियोगिताको विजेताले उपाधिसहित नगद २५ हजार, मेडल र प्रमाण पत्र हात पार्नेछ भने उपविजेताले १५ हजार सहित शिल्ड, मेडल र प्रमाणपत्र प्राप्त गर्ने आयोजकले जानकारी दियो ।

त्यस्तै व्यक्तिगत विधातर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जनाएको छ । कुल १६ टोलीहरुको सहभागिता रहने प्रतियोगिताको फाइनल खेल भने असोज २२ गतेका दिन हुनेछ ।