काठमाडौं । पछिल्लो समय अष्ट्रेलियालाई कर्मथलो बनाएर विदेश पलायन भएका नेपालका अन्तर्राष्ट्रिय खेलाडी आशिष लामा फेरि नेपालको घरेलु फुटबलमा फर्किने पक्का भएको छ ।

आउँदो मंसिर ८ गतेदेखि शुरु हुन गईरहेको दोस्रो नेपाल सुपर लिग (एनएसएल) का लागि आशिष नेपाल फर्किन लागोका हुन् । आशिषलाई बुटवल लुम्बिनी फुटबल क्लबले आफ्नो आइकोनिक खेलाडीका रुपमा अनुबन्ध गरेसँगै आशिषको नेपाली फुटबलमा फर्किने पक्का भएको हो ।

क्लबले उनको अनुवन्धबारे आफ्नो सामाजिक सञ्जालमार्फत पनि आधिकारिक रुपमा पुष्टी गरेको छ । स्मरण रहोस, आशिषले एनएसएलको पहिलो संस्करण पनि बुटवल लुम्बिनी कै लागि खेलेका थिए । अष्ट्रेलियामा भने उनले यति एफसीका लागि खेल्दै आएका छन् ।

बुटवल लुम्बिनीको मार्की खेलाडीमा एरिक बिष्ट रहेका छन् । क्लबको मुख्य प्रशिक्षकमा भने विजय महर्जन रहेका छन् ।