काठमाडौं । दोस्रो नेपाल सुपर लिग (एनएसएल) तर्फ शुक्रबार हुने एक मात्र खेलमा दुई नवप्रवेशी टोली झापा फुटबल क्लब र बिरगंज युनाइटेड फुटबल क्लब भिड्दै छन् ।

दशरथ रंगशालामा साँझ ५ बजेदेखि शुरु हुने खेलमा झापा र बिरगंज दुवै पहिलो जितको योजना र प्रयासमा हुने छन् । तीन खेल खेलिसकेका पुछारका यी दुवै टोलीले अहिलेसम्म जित हात पार्न सकेका छ्रनन् । दुई अंकका साथ झापा लिगतालिकाको आठौं स्थानमा रहँदा १ अंक जोडेको बिरगंज भने पुछारमा संघर्षरत छ ।

प्ले अफमा आफ्नो सम्भावना कायम राख्न यी दुवै टोलीलाई जितको खाँचो छ । त्यसैले पनि आजको खेलमा झापा र बिरगंज निश्चित जित र तीन अंकका लागि खेल्ने छन् । र, दुवै टोलीको भिडन्त प्रतिस्पर्धात्मक पनि हुने अपेक्षा गरिएको छ ।