काठमाडौं (एजेन्सी) । इण्डोनेसियामा जारी एएफसी यु–१७ महिला एसियन कपतर्फ साविक विजेता जापानसँगै चीनले पनि विजयी शुरुवात गरेको छ ।

समूह बी मा रहेको जापानले थाइल्याण्डलाई ४–० ले हराउँदै चीनले अष्ट्रेलियामाथि ३–० को जित दर्ता गर्यो ।

समूह चरणको आफ्नो दोस्रो खेलमा १० मईका दिन चीनले थाइल्याण्डको सामना गर्नेछ भने सोही दिन जापान र अष्ट्रेलिया पनि भिड्ने छन् ।

प्रतियोगितामा सहभागि कुल आठ टोलीहरुलाई दुई समूहमा विभाजन गरिएको छ । प्रत्येक समू्हको शिर्ष दुई टोली सेमिफाइनलमा प्रवेश गर्नेछन् ।

फाइनल खेल १९ मईका दिन हुनेछ । प्रतियोगिताको फाइनल पश्चात शिर्ष तीन स्थान हासिल गर्ने टोली यसै वर्ष डोमिनिकन रिपब्लिकमा हुने फिफा यु–१७ महिला विश्वकपका लागि छनौट हुनेछन् ।