राजारानी । कठिन र रोमाञ्चक जितका साथ बुधबार सम्पन्न ११औं गोर्खा रारा गोल्डकप नकआउट फुटबल प्रतियोगिताको उपाधि सलहेश युवा क्लब, सिरहाले जितेको छ । फाइनलमा आयोजक रारा फुटबल क्लबलाई टाईब्रेकरमा हराउँदै सलहेश च्याम्पियन बनेको हो ।

त्यसअघि राजारानी खेलमैदानमा भएको निर्धारित समयको खेल दुवै टोलीले १–१ गोलको रोमाञ्चक बराबरी खेलेका थिए । टाईब्रेकरमा भने सलहेशले आयोजक रारामाथि ४–२ को जित निकाल्दै उपाधि माथि कब्जा जमाउन सफल भयो ।

विजेता बनेको सलहेशले उपाधिसहित नगद ५ लाख हात पार्यो भने उपविजेता आयोजक राराले २ लाख ५० हजारसहित ट्रफी, मेडल र प्रमाणपत्रमा चित्त बुझाउन बाध्य बन्यो ।