काठमाडौं । बहुप्रतिक्षित एन्फा युथ लिग यु–१८ ए डिभिजन फुटबल प्रतियोगिता खेल्ने तयारीमा रहेको न्युरोडटिम (एनआरटी) ले आफ्नो फाइनल स्क्वाड घोषणा गरेको छ ।

एनआरटीले आइतबार आफ्नो आधिकारिक क्लबको पेजमार्फत युथ लिग खेल्ने ३० सदस्यीय स्क्वाडको घोषणा गरेको हो । क्लबका अनुसार टोलीमा परेका बढी जसो खेलाडीहरु क्लबकै एकेडेमीबाट उत्पादित रहेको जनाएको छ ।

स्मरण रहोस, एन्फा युथ लिग यही असार ३० गतेदेखि शुरु हुँदैछ । साथै लिगको खेलतालिका यही असार २६ गते सार्वजनिक गर्ने एन्फाले जनाईसकेको छ । लिगमा कुल १२ ए डिभिजन क्लबहरुले सहभागिता जनाउने छन् ।