तानसेन । युनाइटेड युथ क्लब, तानसेन–९, पाल्पाको आयोजनामा यही साउन २० गतेदेखि स्व. उमेश स्मृति प्रथम युनाइटेड युथ कप सेभेन ए साईड फुटबल प्रतियोगिता हुने भएको छ ।

तिन्टिआँप खेलमैदानमा हुने प्रतियोगिताको यही साउन १८ गतेसम्म टिमदर्ता खुला गरिएको छ । साथै टिमदर्ता शुल्क ३००० तोकिएको छ । प्रतियोगितामा पाल्पाका क्लब र खेलाडीहरुले मात्र सहभागिता जनाउन पाउने आयोजक जानकारी दियो ।

प्रतियोगिताको विजेताले उपाधिसहित नगद ३० हजार हात पार्नेछ भने उपविजेताले १५ हजारसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ पनि उचित पुरस्कारको व्यवस्था गरिएको आयोजकले जनाएको छ ।