खडक । ‘हाम्रो गोल महिला हिंसा विरुद्धको बोल’ भन्ने नाराका साथ नमो बुद्ध युथ क्लब, सप्तरीको आयोजनामा दोस्रो खडक उपमेयर महिला गोल्डकप नकआउट फुटबल प्रतियोगिता हुने भएको छ ।

खडक नगरपालिका–७ सप्तरी स्थित स्थानीय खेलमैदानमा हुने प्रतियोगिताको आवश्यक तयारीलाई पनि तिव्रता दिइएको आयोजकले जनाएको छ । यद्यपि प्रतियोगिताको आयोजना मिति र अन्य कुराहरुबो आधिकारिक रुपमा छिटै जानकारी गराइने पनि आयोजकले जानकारी दियो ।

प्रतियोगिताको विजेताले उपाधिसहित नगद १ लाख हात पार्नेछ भने उपविजेताले ५०हजारसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जानकारी दियो ।