हेटौडा । मकवानपुर जिल्ला लिग फुटबल प्रतियोगिता अन्तर्गत पिप्ले युवा क्लबले गोलको बर्षा गर्दै फराकिलो जित दर्ता गरेको छ । पिप्लेले महाबिर क्लबमाथि ७–० को फराकिलो जित हात पारेको हो ।

अर्को खेलमा परेलीले इन्टरनेट एफसीमाथि २–० को जित निकाल्दा इन्टरनेट सिटी एफसीले हेटौडा फुटबल एकेडेमीलाई ४–२ ले हरायो । त्यस्तै आरआर युथ क्लबले एफसी विजय युथलाई शून्यका विरुद्ध १ गोलको झिनो अन्तले स्तब्ध तुल्यायो ।

मकवानपुर जिल्ला फुटबल संघको आयोजनामा जारी लिग विजेताले उपाधिसहित नगद १ लाख हात पार्नेछ भने उपविजेताले ५० हजार प्राप्त गर्नेछ । कुल २८ टोलीहरुको सहभागिता रहेको लिगको समापन असोज ९ गतेका दिन हुनेछ ।