हेटौडा । मकवानपुर जिल्ला लिग फुटबल प्रतियोगिता अन्तर्गत तीन खेलहरुको नतिजा निस्किदा अन्तिम एक खेल भने अवरुद्ध भएको छ ।

लिग अन्तर्गत सानो पोखरा र ७ नम्बर टिमले १–१ को बराबरी खेल्दा हटिया स्पोर्टस र पदमपोखरीले गोलरहित बराबरी खेले । त्यस्तै रियल स्टार र न्यु डाँफे बीचको खेल पनि २–२ को बराबरीमा सकियो ।

त्यसैगरी एफसी मल्टिभिजन र एफसी नामटार बीचको खेलमा मल्टिभिजनले ३–० को अग्रता बनाएको बेला खराब प्रकाशका कारण खेल अरुद्ध भएको छ । खेल सम्पन्न हुन केही मिनट बाँकी रहँदा अवरुद्ध भएकाले सो खेल अनुकुल समयमा खेलाइने आयोजकले जानकारी दियो ।

मकवानपुर जिल्ला फुटबल संघको आयोजनामा जारी लिग विजेताले उपाधिसहित नगद १ लाख हात पार्नेछ भने उपविजेताले ५० हजार प्राप्त गर्नेछ । कुल २८ टोलीहरुको सहभागिता रहेको लिगको समापन असोज ९ गतेका दिन हुनेछ ।