काठमाडौं । भारी बर्षाका कारण असोज १२ गते शनिवार हुने तय भएको झापा एक–काठमाडौं कप फुटसल प्रतियोगिता स्थगित भएको छ । डिएभी स्कुल जावलाखेल, ललितपुरमा हुने भनिएको प्रतियोगिताको सम्पूर्ण तयारी पूरा भएको थियो । अब सो प्रतियोगिता मंसीर १ गते शनिवार हुने आयोजक संस्थाले जानकारी दिएको छ ।

झापा १ संघीय सांसद सचिवालय र नेपाली कांग्रेस झापा १–काठमाडौं सम्पर्क समितिले संयुक्त रुपमा आयोजना गर्ने तय भएको प्रतियोगिता बर्षाका कारण स्थगित गर्नु परेको आयोजक संस्था झापा १–काठमाडौं सम्पर्क समितिका अध्यक्ष प्रज्वल कोइरालाले जानकारी दिए । खेल स्थगितबाट पर्न गएको असुविधाप्रति आयोजकले क्षमायाचना गरेको छ ।