घोराही । खैरा फुटबल क्लब, घोराही–११, दाङको आयोजनामा आउँदो कार्तिक १ गतेदेखि दोस्रो अर्जुन बस्नेत स्मृति कप खुला नकआउट फुटबल प्रतियोगिता हुने भएको छ ।

घोराही–११ खैरा स्थित श्री बालकल्याण माविको खेलमैदानमा हुने प्रतियोगिताको असोज २९ गतेसम्म टिमदर्ता पनि खुला गरिएको छ । साथै टिमदर्ता शुल्क ७००० तोकिएको आयोजकले जानकारी दियो ।

ज्ञानेन्द्र डाँगी र जिवन डाँगीको मुख्य प्रायोजन रहने प्रतियोगिताको विजेताले उपाधिसहित नगद १,००,१११ रुपैयाँ हात पार्नेछ भने उपविजेताले ५०,५५५ रुपैयाँसहित ट्रफी, मेडल र प्रमाणपत्र प्राप्त गर्नेछ ।

त्यस्तै विधागततर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जानकारी दियो ।