काठमाडौं । जावलाखेल युथ क्लब र थ्रीस्टार फुटबल क्लबले ललित स्मृति यु–१८ फुटबल प्रतियोगिता अन्तर्गत आ–आफ्नो खेलहरुमा जित निकाल्दै महत्वपूर्ण तीन–तीन अंक जोडेका छन् ।

सातदोबाटो स्थित एन्फा कम्प्लेक्सको खेलमैदानमा भएको दिनको पहिलो खेलमा जावलाखेलले एफसी खुमलटारलाई ३–१ ले हराउँदै खातामा तीन अंक जोड्यो ।

यो जितपछि ११ खेलबाट जावलाखेलको खातामा १७ अंक भएको छ । पराजित खुमलटार भने ४ अंकका साथ पुछारतिरै संघर्षरत छ ।

त्यस्तै बिहीबार नै भएको अर्को खेलमा थ्रीस्टारले मनाङ मस्र्याङ्दी क्लबमाथि १–० को झिनो अन्तरको जित निकाल्यो ।

यो जितपछि थ्रीस्टारको ११ खेलबाट १९ अंक छ र लिगतालिकाको तेस्रो स्थानमा उक्लेको छ । पराजित मनाङको भने समान १९ अंकका साथ चौथो स्थानमा छ ।