काठमाडौं । एन्फा यु–१६ युथ लिग फुटबल प्रतियोगिता अन्तर्गत मंगलबार भएको दोस्रो खेलमा हिमालयन शेर्पा क्लब र नेपाल पुलिस क्लबले रोमाञ्चक बराबरी खेलेका छन् ।

एन्फा कम्प्लेक्सको मैदानमा भएको खेलमा शेर्पा र पुलिसले ३–३ गोलको बराबरी खेल्दै अंक बाँडेका हुन् । शेर्पाका लागि सुजन स्याङ्तनले ह्याट्रिक गरे । पुलिसका लागि भने समिर राईले दुई गोल गर्दा समिर कुमारले थप एक गोल गरेका थिए ।

स्मरण रहोस, त्यसअघि मंगलबार नै भएको पहिलो खेलमा चर्च ब्वाईज युनाइटेडले फ्रेण्डस क्लबमाथि शून्यका विरुद्ध १ गोलको झिनो अन्तरको जित निकाल्दै महत्वपूर्ण तीन अंक जोडेको थियो ।