काठमाडौं । एन्फा महिला लिग राष्ट्रिय फुटबल प्रतियोगिता अन्तर्गत शनिबार भएको एक मात्र खेलमा विभागीय टोली नेपाल पुलिस क्लबले तुलनात्मक रुपमा कमजोर आँकिएको बागमती युवा क्लबसँग बराबरी खेलेको छ ।

एन्फा कम्प्लेक्समा भएको खेलमा पुलिसले बागमतीसँग गोलरहित बराबरी खेल्दै अंक बाँड्न बाध्य बनेको हो । यो बराबरी नतिजाले पुलिसको सिधै क्वालिफयर वान खेल्ने सम्भावना कठिन बनेको छ ।

यो नतिजापछि पुलिसको खातामा ७ खेलबाट ११ अंक छ । उता बागमतीको खातामा भने ६ खेलबाट ४ अंक छ र लिगको प्ले अफ खेल्ने सम्भावना पनि बलियो बनाएको छ । शिर्ष स्थानमा भने शतप्रतिशत जितसहित १८ अंकका साथ एपिएफ रहेको छ । अंकविहीन वालिङ पुछार मै छ ।