काठमाडौं । हिलारी र बेस्ट ग्रुप भिजन नवौं अर्किड कप सेभेन ए साइड अन्तरविद्यालय जुनियर छात्र फुटबल प्रतियोगितामा शुक्रबार फाइनलमा प्रवेश गरेका छन् । दुवै पेनाल्टी सुटआउटमा विजयी भए ।

पहिलो सेमिफाइनलमा हिलारीले ग्रिन विचलाई २–० गोलले पराजित गर्यो । निर्धारित समयको खेल २–२ को बराबरीमा सकिएको थियो ।

काँडाघारीस्थित अर्किडको आयोजनमा भइरहेको प्रतियोगिताको दोश्रो सेमिफाइनलमा बेस्ट ग्रुपले हाइली क्रिएटिभलाई ४–३ गोलले हरायो । निर्धारित समयमा दुवैले १–१ गोलको बराबरी खेले । फाइनल शनिबार हुँदैछ ।