काठमाडौं । देश कै पुरानो क्लब मध्ये एक काठमाडौं खेल मण्डल (एनआरटी) को अध्यक्षमा पूनः सुन्दर नरसिंह जोशी नै निर्वाचित भएका छन् ।

त्रिपुरेश्वर स्थित वोगनभिल्ला व्यान्क्वेटमा सम्पन्न वार्षिक साधारणसभाबाट लगातार तेस्रो कार्यकालका लागि जोशी निर्वाचित भएका हुन् । जोशीले खसेको ९१ मध्ये ७५ मत प्राप्त गर्दै विजयी बनेका हुन् ।

त्यस्तै क्लबको उपाध्यक्षमा नविन सुवाल, महासचिवमा सतिष कृष्ण श्रेष्ठ, कोषाध्यक्षमा अनुज सिंह प्रधान र सचिवमा सुरेन्द्र कुमार श्रेष्ठ निर्वाचित भएका छन् ।

त्यसैगरी सदस्यहरुमा सुनिलभक्त जोशी, अमर श्रेष्ठ, मुरारी केसी, श्याम माली, अगम मान गुभाजु र राजेन्द्र शाक्य क्लबको नयाँ समितिमा आगामी दुई वर्षका निर्वाचित भएका छन् ।