काठमाडौं । विश्व फुटबलको सर्वोच्च निकाय फिफाको 'फुटबल फर स्कुल' कार्यक्रम नेपालमा यही साउन १५ गते (जुलाई ३१ तारीख) देखि शुरु भएको छ ।

कार्यक्रमको उद्घाटन भने दशरथ रंगशालामा दिउँसो १ बजेदेखी शुरु हुनेछ । यो कार्यक्रम नेपालको ७७ वटै जिल्लाहरूमा पुर्याईने एन्फाले जनाएको छ ।

त्यसक्रममा फिफाद्वारा उपलब्ध गराईएको ३२,६४० थान बलहरु पनि विद्यालयहरुलाई हस्तान्तरण गरिनेछ । यो अभियानले फुटबललाई विद्यालय शिक्षा प्रणालीमा समेट्ने लक्ष्य समेत लिईएको छ ।

साथै यो कार्यक्रमले शिक्षा र फुटबललाई ग्रासरुट लेभलबाटै संयोजन गरेर फुटबल विकासमा थप टेवा पुग्ने विश्वास समेत गरिएको छ ।

त्यस्तै सोही अवसरमा उद्घाटन कार्यक्रममा चर्चित गायिका आस्था राउतले पनि विशेष साँगितिक प्रस्तुति दिने कार्यक्रम रहेको छ ।