काठमाडौं । दक्षिण एसियाली फुटबल महासंघ (साफ) ले यसै वर्षदेखि आयोजना गर्ने भनिएको साफ क्लब महिला च्याम्पियनसिपको आधिकारिक रुपमै घोषणा सहित आयोजना हुने तय गरिएको छ ।

साथै आयोजक साफले प्रतियोगिताको मिति र सहभागि क्लबहरुबारे पनि घोषणा गरेको छ । साफका अनुसार प्रतियोगिता आउँदो डिसेम्बर ५ देखि २० तारीखसम्म नेपालमा हुने तय भएको छ ।

प्रतियोगितामा दक्षिण एसियाका कुल पाँच महिला फुटबल क्लबहरुले सहभागिता जनाउने छन् । जसमा नेपालबाट एपिएफ, भारतमा इस्ट बंगला, बंगलादेशबाट नसरि स्पोर्टस एकेडेमी, भुटानबाट ट्रान्सपोर्ट युनाइटेड र पाकिस्तानबाट कराची सिटी फुटबल क्लबले सहभागिता जनाउने छन् । प्रतियोगितामा माल्दिभ्स र श्रीलंकाको टोली भने सहभागि छैनन् ।