पुनर्वास । सुदूरपश्चिम प्रदेश कञ्चनपुर जिल्ला पुनर्वास नगरपालिका वडा नं २ अरनिको खेलमैदानमा अरनीको युवा क्लबको आयोजनामा जारी सातौं संस्करणको ऐतिहासिक अरनीको सैनिक कप अन्तर्गत बिहिबार आयोजक अरनीको युवा क्लब र न्यु भानु युवा क्लब बीच फाइनल खेल सम्पन्न भएको छ ।
उक्त खेलमा आयोजक अरनीको युवा क्लबले भानु युवा क्लबलाई ३-१ एक गोलन्तरको नतिजामा पराजित गर्दै लगातार दोस्रोपटक उपाधि रक्षा गर्न सफल भएको छ।
आफ्नो घरेलु मैदानमा लगातार दोस्रोपटक उपाधि रक्षा गर्ने क्रममा आयोजकका लागि खेलको १६ मिनेटमा श्याम बयाडी, ५२ मिनेटमा रोहित तामाङ साथै अतिरिक्त समय खेलको ६१ औ मिनेटमा विकास थापाले गोल गरेका थिए।
उपविजेतामा सिमित भएको न्यु भानु युवा क्लबका लागि खेलको ५३ मिनेटमा अविनाश ऐदी सन्त्वना गोल फर्काएका थिए। तर बाँकी समय अन्य खेलाडीबाट गोल हुन नसक्दा भानु उपविजेतामा सीमित बनेको हो। उक्त फाइनल खेलको म्यान अफ दि म्याच आयोजकका विकास थापा बनेका हुन।
प्रतियोगितामा सम्पूर्ण व्यक्तिगत विधातर्फ आयोजकको वर्चस्व कायम रह्यो जस अन्तर्गत प्रतियोगिताको अनुशासित खेलाडी निखिल दोङ तामाङ, सर्वाधिक गोलकर्ता श्याम बयाडी, उत्कृष्ट डिफेन्डर दिपेन सिंह ठकुरी, उत्कृष्ट गोल रक्षक दिनेश नेपाली साथै उक्त प्रतियोगिताको सबैभन्दा उत्कृष्ट खेलाडी र उदयीमान खेलाडी विकास थापा मगर बनेका हुन्।
- भानु युवा क्लब सातौं अरनिको सैनिक कपको फाइनलमा
- आयोजक अरनीको युवा क्लब लगातार दोस्रोपटक फाइनल खेल्दै
- भानु युवा क्लब र पुनर्वास नगरपालिका-३ सातौं अरनीको सैनिक कपको सेमिफाइनलमा प्रवेश
- सुदूरपश्चिम प्रदेश प्रहरी र अरनीको युव कञ्चनपुर सातौं अरनीको सैनिक कपको सेमिफाइनलमा
- भानु युवा क्लब र अरनिको युवा क्लब सातौं अरनीको सैनिक कपको क्वाटरफाइनलमा