हेम्जा युनाइटेडको आयोजनामा आगामी जेठको पहिलो साता छैटौँ संस्करणको शुभकामना गोल्डकप फुटबल प्रतियोगिता हुने भएको छ ।

पाचौँ संस्करणसम्म शुभकामना कपको रुपमा संचालित प्रतियोगिताले छैटौँ संस्करण देखि भने गोल्डकपको रुपमा खेलाउन लागेको हो । अघिल्लो संस्करणसम्म प्रदेश स्तरीय प्रतियोगिता गर्दै आएपनि अब भने ए डिभिजनका क्लबहरुको सहभागिता रहने भएको छ ।

आयोजक हेम्जा युनाइटेडले अखिल नेपाल फुटबल संघ (एन्फा) र कास्की जिल्ला फुटबल संघलाई गोल्डकप संचालन गर्नकालागि स्विकृत माग गरेको थियो । सोहि स्विकृतको आधारमा एन्फाले क्लबलाई जेठको मिति दिएको हो । निवेदन स्विकृत गरेसंगै गोल्डकपको आयोजना गर्न पाउने भएको छ ।

एन्फाले जेठ १ गते देखि ८ गतेसम्मको मिति दिएको छ । यस्तै स्विकृत संगै आफुहरुले प्रतियोगिताको तयारी गर्न लागेको हेम्जा युनाइटेका अध्यक्ष इन्द्र कुवरले जानकारी दिए ।

प्रतियोगितामा आयोजक, ए डिभिजन तथा वि डिभिजन सहित ८ टिमको सहभागिता रहने अध्यक्ष कुवरले बताए ।