पोखरा । नेपाल मुस्लिम युवा समितिद्वारा आयोजनामा हुन गइरहेको तेस्रो लोककवि अलिमिया स्मृति खुल्ला सेभेन ए साइड फुटबल प्रतियोगिता यही मिति २०७८ फागुन २१ गतेदखी २८ सम्म हुने भएको छ । हालको अवस्थालाई मध्यनजर गर्दै नेपाल मुस्लिम युवा समितिले सम्पूर्ण स्वास्थ्य मापदण्डको पालना गर्दै प्रतियोगिता आयोजना गर्न लागेको हो ।

 

प्रतियोगिता पोखरा -१३ स्थित माछापोखरी खेल मैदानमा हुनेछ। युवाहरुलाई खेलकुदमा आकर्षित गर्न तथा खेलाडी उत्पादन गर्ने उद्देस्यले उक्त प्रतियोगिता गर्न लागिएको संयोजक अब्बु बकर मियाँले बताए ।

 

प्रतियोगीताको विजेतालाई नगद एक लाख २५ हजार नगद सहित ट्रफि,मेडल,प्रमाण पत्र र उपविजेतालाई नगद ७५ हजार सहित ट्रफि, मेडल, प्रमाण पत्र प्रदान गरिने छ। त्यस्तै सेमीफाइनल पुग्न सफल अन्य दुई टिमलाई १०-१० हजार प्रदान गरिने छ ।

 

साथै उत्कृष्ट खेलाडी,डिफेन्डर,मिड फिल्डर, हाई स्कोरर र गोलकिपरलाई जनही नगद रु. पाँच हजार पुरस्कार प्रदान गरिने छ।

प्रतियोगितामा टिम दर्ता शुल्क रु.७००० प्रति टिम रहनेछ ।

 

प्रतियोगिता को मूख्य प्रायोजक हिडन क्लब एण्ड लाउन्ज र युवा व्यावसायी श्री समिर खान रहेका छन् । त्यसैगरी प्रथम पुरस्कार प्रायोजक लोक कवि अलिमिया ज्युका नाति तथा समाजसेवी श्री हिक्मत अलि मिया र दोस्रो पुरस्कार प्रायोजक पोखरा महानगरपलिका - १३ का वडाअध्यक्ष लेख बहादुर तामाङ (दर्शन लामा) रहेको छ।

 

प्रतियोगितामा करिब ५० समुहले सहभागिता जनाउने अपेक्षा आयोजकको छ। प्रतियोगिता सम्पन्न गर्नका लागि आठ लाख ७५ हजार खर्च लाग्ने अनुमान गरिएको छ।