दोहा, कतार । नाईन स्टार फुटबल क्लब, दोहा, कतारको आयोजनामा जारी आठौं नाईन स्टार दशैं कप फुटबल प्रतियोगिता अन्तर्गत न्यु स्टार एफसी, पेट्रो एफसी, सिएफसी र युनिपार्ट एफसी सेमिफाइनलमा प्रवेश गरेका छन् ।

क्वाटरफाइनलतर्फ न्यु स्टारले आयोजक नाइन स्टार एफसी (निलो) लाई १–० ले हरायो । अर्को क्वाटरफाइनलमा पेट्रोले एबी एफसीमाथि ६–१ को फराकिलो जित दर्ता गर्यो । त्यस्तै सिएफसीले नाईन स्टार (सेतो) लाई ३–० ले हराउँदा युनिपार्टले सगरमाथा एफसीमाथि ५–० को जित निकाल्दै अन्तिम चारमा स्थान पक्का गर्यो ।

अब सेमिफाइनलतर्फको चारै खेलहरु आउँदो अक्टोबर २३ तारीखका दिन हुने खेल संयोजक प्रबिन राईले जानकारी दिए ।

अक्टोबर ३० तारीखका दिनसम्म चल्ने प्रतियोगिताको विजेताले उपाधिसहित नगद ३३३३ कतारी रियाल हात पार्नेछ भने उपविजेताले १८१८ कतारी रियाल प्राप्त गर्नेछ ।