दाेस्रो संस्करणकाे गण्डकी प्रदेश क्लव स्तरीय खुल्ला फुटवल प्रतियोगिताकाे उपाधी आयाेजक माछापुच्छे त्रिशक्ति युनाईटेड क्लवले हात पारेको छ ।

डिफेन्डिङ च्याम्पियन माछापुच्छ्रेले गैडाकोट नवलपुरलाइ २-१ गोल अन्तरले हराउदै उपाधी रक्षा गर्न सफल भएको हो ।

उपाधी रक्षा संगै आयोजक माछापुच्छ्रे त्रिशक्तीले नगद रु.१ लाख ५५ हजार पाँच सय ५५ प्राप्त गरेको छ भने उपविजेतामा सिमित नवलपुरले रु.७७ हजार सात सय ७७ रुपैयामा चित्त बुझायो ।

खेलको सर्वोत्कृष्ट खेलाडी नवलपुरका अमृत गुरुङ घोषित भए ।

त्यस्तै उत्कृष्ट स्ट्राइकर नवलपुरका कप्तान कौशल प्रताप गुरुङ घोषित भए । उत्कृष्ट मिडफिल्डर पनि नवलपुरकै राम थापा घोषित भए भने । आयोजक त्रिशक्तीका सुजन नेपाली उत्कृष्ट गोलरक्षक घोषित भए भने आयोजककै अञ्जन देवकोटा उत्कृष्ट डिफेन्स घोषित भए ।

प्रतियोगिताको सर्वाधिक गोलकर्ता भने स्याङ्जाका विक्रम कुवर घोषित भए ।