धनकुटा । यहाँ जारी १५औं शहिद भिमनारायण गोल्डकप नकआउट फुटबल प्रतियोगिताको फाइनल खेल बुधबार हुने भएको छ ।

त्यसअघि जेठ २ गते मंगलबार फाइनल हुने तय भए तापनि भारी वर्षा भएपछि प्रतिकुल मौसमका कारण फाइनल खेल स्थगित गरि बुधबारका लागि सारिएको आयोजकले जनाएको छ ।

तल्लो टुंडिखेल मैदानमा जारी प्रतियोगिताको फाइनलमा प्लानिङ ब्वाईज क्लब, काठमाडौं र बिरगंज युनाइटेड, बिरगंज भिड्ने तय भईसकेको छ ।

शहिद भिमनारायण स्मृति प्रतिष्ठान, धनकुटाको आयोजनामा जारी प्रतियोगिताको विजेताले उपाधिसहित नगद ५ लाख हात पार्नेछ भने उपविजेताले २ लाख ५० हजार पाउनेछ ।