कलैया । सहयोगी फुटबल क्लब, कलैया, बाराको आयोजनामा आउँदो भदौ २३ गतेदेखि प्रथम कलैया भेट्रान कप नकआउट फुटबल प्रतियोगिता हुने भएको छ । कलैया स्थित स्थानीय खेलमैदानमा हुने प्रतियोगिताको आवश्यक तयारी पनि शुरु भईसकेको आयोजकले जनाएको छ ।

साथै प्रतियोगिताको टिमदर्ता पनि खुला गरिएको छ । र, टिमदर्ता शुल्क ५ हजार तोकिएको छ । प्रतियोगिताको विजेताले उपाधिसहित नगद ५१ हजार हात पार्नेछ भने उपविजेताले २५ हजारसहित ट्रफी, मेडल र प्रमाणपत्र प्राप्त गर्नेछ ।

त्यस्तै व्यक्तिगत विधातर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जानकारी दियो ।