काठमाडौं । दोस्रो नेपाल सुपर लिग (एनएसएल) तर्फ सोमबार हुने एक मात्र खेलमा साविक विजेता काठमाडौं रेजर्स र नवप्रवेशी टोली झापा फुटबल क्लब भिड्दै छन् । दशरथ रंगशालामा साँझ ५ बजेदेखि शुरु हुने आजको खेलमा हेभिवेट भिडन्तको अपेक्षा गरिएको छ ।

राम्रा, युवा र अनुभवी खेलाडीहरुको सम्मिश्रण रहेको दुवै टोलीको लिगतालिकामा भने स्थान धेरै अन्तरको फरकमा छ । अपराजित काठमाडौं २ खेलबाट ४ अंकका साथ चौथो स्थानमा छ । उता पहिलो जितको खोजीमा रहेको झापा भने २ खेलबाट १ अंकका साथ आठौं स्थानमा छ ।

आजको खेलमा काठमाडांैंले जित निकाल्दै शिर्षताको होडमा आफूलाई उभ्याउने प्रयास गर्नेछ भने झापा पहिलो जित निकाल्दै लिगतालिकामा स्थान सुधारको प्रयासमा हुनेछ ।