काठमाडौं । दोस्रो नेपाल सुपर लिग (एनएसएल) तर्फ बुधबार हुने एक मात्र खेलमा स्र्पोटिङ इलाम फुटबल क्लब र पोखरा थन्डर्स फुटबल क्लब भिड्दै छन् ।

दशरथ रंगशालामा साँझ ५ बजेदेखि शुरु हुने आजको यो खेलमा इलाम र पोखरा दुवै टोली दोस्रो जितको खोजीमा हुनेछन् । हाल ३ खेलबाट ५ अंकका साथ तेस्रो स्थानमा रहेको पोखरा शिर्ष चार भित्रको आफ्नो स्थान बलियो बनाउने योजनामा पनि हुनेछ ।

उता ३ अंकका साथ छैठौं स्थानमा रहेको इलामले पनि आज आफू अनुकुल नतिजा निकाल्न सके शिर्ष चारमा प्रवेश गर्ने मौका पुर्वेली क्लबलाई हुनेछ । लिगमा तीन खेलहरुको समाप्तीसम्म पोखरा अझै अपराजित छ भने इलामले दुई खेलमा हार बेहोरेको छ ।

सम्भवतः आजको खेल पनि प्रतिस्पर्धात्मक र रोमाञ्चक हुने अनुमान गरिएको छ ।