काठमाडौं । दोस्रो नेपाल सुपर लिग (एनएसएल) तर्फ सोमबार हुने एक मात्र खेलमा साविक विजेता काठमाडौं रेजर्सले लिगलिडर धनगढी एफसीको सामना गर्दैछ । दुवै टोलीको लक्ष्य निश्चित जित र शिर्षता कै होडमा रहने पनि हुनेछ ।

लिगतालिकामा हाल ५ खेलबाट ११ अंकका साथ शिर्ष स्थानमा रहेको धनगढीलाई आज त्यो शिर्ष स्थानमा थप स्पष्ट अग्रता बनाउने अवसर पनि हुनेछ । उता ८ अंकका साथ चौथो स्थानमा रहेको काठमाडौंको ध्यान पनि शिर्ष चारसँगै शिर्षता कै होडमा पनि हुनेछ ।

काठमाडौं र धनगढी बीचको खेल बेलुका ६ बजेदेखि दशरथ रंगशालामा शुरु हुनेछ । त्रिभुवन विश्व विद्यालयको दिक्षान्त समारोह रहेकाले उक्त कार्यक्रम समापन भएपछि काठमाडौं र धनगढीबीचको खेल शुरु हुने आयोजकले जनाएको छ ।