तिलोत्तमा । रुपन्देहीको फुटसलमा आफूलाई निरन्तर सक्रिय राखेको युनिक फुटसल, मणिग्राम, रुपन्देहीको आयोजनामा यही साउन १८ र १९ गतेका दिन दोस्रो युनिक फुटसल कप खुला फुटसल प्रतियोगिता हुने भएको छ ।

तिलोत्तमा–५, मणिग्राम स्थित आयोजक कै युनिक फुटसल कोर्टमा हुने प्रतियोगिताको यही साउन १५ गतेसम्म टिमदर्ता खुला गरिएको छ । साथै टिमदर्ता शुल्क ८,५०० तोकिएको पनि आयोजकले जानकारी दियो ।

मणिग्राम ब्वाईजको विशेष सहयोग रहने प्रतियोगिताको विजेताले उपाधिसहित नगद १ लाख १ हजार हात पार्नेछ भने उपविजेताले ५० हजार ५ सय सहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ पनि आकर्षक पुरस्कारको व्यवस्था गरिएको आयोजकले जनाएको छ ।