कटारी । ‘युवा खेलाडी विकासको लागि’ नाराका साथ कटारी टाईगर फुटबल क्लब, कटारी, उदयपुरको आयोजनामा आउँदो भदौमा स्व. हरिचन्द्र साह स्मृति कप अन्तर विद्यालय फुटबल प्रतियोगिता हुने भएको छ ।

कक्षा १० सम्म अध्ययनरत छात्र खेलाडीहरुले सहभागिता जनाउन पाउने प्रतियोगिताको टिमदर्ता पनि खुला गरिएको छ । स्व. हरिचन्द्र साहका छोरा देभु साहले मुख्य प्रायोजन गरेको प्रतियोगिताको विजेताले उपाधिसहित नगद ३० हजार हात पार्नेछ भने उपविजेताले २० हजार प्राप्त गर्नेछ ।

त्यस्तै विधागततर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजक क्लबका दिपक राईले जानकारी दिए ।