पोखरा । गंगा र अन्तिमको संयुक्त आयोजनामा आउँदो भदौ ७ र ८ गतेका दिन प्रथम कसेरी–०१ सिक्स ए साईड भेट्रान फुटसल प्रतियोगिता हुने भएको छ ।

गणेश टोल स्थित स्पोर्टस क्यासलमा हुने प्रतियोगितामा ३५ वर्ष माथि उमेरका खेलाडीहरुले मात्र सहभागिता जनाउन पाउने छन् । त्यस्तै प्रतियोगिताको टिमदर्ता पनि खुला गरिएको छ । साथै टिमदर्ता शुल्क ५,९९९ तोकिएको छ ।

प्रतियोगिताको विजेताले उपाधिसहित नगद ६१,१११ रुपैयाँ हात पार्नेछ भने उपविजेताले ३१,१११ रुपैयाँसहित ट्रफी, मेडल र प्रमाणपत्र प्राप्त गर्नेछ । त्यसैगरी फेयर प्ले टिमसँगै विधागततर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जानकारी दियो ।