कञ्चन । आउँदै गरेको नेपाली महिलाहरुको महान चाड हरितालिका (तीज) को अवसर पारी गौतम बुद्ध सामुदायिक विकास केन्द्र, कञ्चन–५, पिपरिचापा, रुपन्देहीको आयोजनामा आउँदो भदौ ५ गतेदेखि प्रथम गौतम बुद्ध कप नाईन ए साईड नकआउट फुटबल प्रतियोगिता हुने भएको छ ।

कञ्चन–५, पिपरिचापा स्थित आयोजक संस्था कै खेलमैदानमा हुने प्रतियोगिताको भदौ १ गतेसम्म टिमदर्ता खुला गरिएको छ । साथै टिमदर्ता शुल्क ८००० तोकिएको खेल संयोजक रोशन पुनले जानकारी दिए ।

प्रतियोगिताको विजेताले उपाधिसहित नगद १,०१,१११ रुपैयाँ हात पार्नेछ भने उपविजेताले ५५,५५५ रुपैयाँसहित ट्रफी, मेडल र प्रमाणपत्र प्राप्त गर्ने संयोजक रोशन पुनले बताए । त्यसवाहेक विधाततर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको उनले जानकारी दिए ।

स्थानीय खेलाडीहरुको उत्पादन, उनीहरुलाई अवसर र भाईचारा, एकता कायमसँगै सँस्कृतिको पूवद्र्धन गर्ने उद्देश्यका साथ प्रतियोगिता गर्न लागिएको आयोजक संस्थाका अध्यक्ष कमल दर्जीले बताए । प्रतियोगिता कै अवसरमा तीज मेला र विभिन्न साँस्कृतिक कार्यक्रमको आयोजना गरिने पनि अध्यक्ष दर्जीले बताए ।