चितवन । स्टार स्पोर्ट युवा क्लब, माडी–१, बरुवा बजार, चितवनको आयोजनामा आउँदो भदौ १० गतेदेखि २१ गतेसम्म २९औं स्टार कप खुला नकआउट फुटबल प्रतियोगिता हुने भएको छ ।

माडी–१, बरुवा स्थित स्टार खेलमैदानमा हुने प्रतियोगिताको खेलतालिका समेत सार्वजनिक गरिएको छ । प्रतियोगिताको उद्घाटन खेलमा भदौ १० गतेका दिन बसन्तपुर युनाइटेड क्लब र प्याराडाइज युवा क्लब भिड्ने छन् ।

कुल १२ टोलीहरुको सहभागिता रहेको प्रतियोगिताको विजेताले उपाधिसहित नगद २ लाख हात पार्नेछ भने उपविजेताले १ लाख सहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ पनि उचित पुरस्कारको व्यवस्था गरिएको आयोजकले जानकारी दियो ।