कटारी । कटारी टाईगर फुटबल क्लब, कटारी, उदयपुरको आयोजनामा यही भदौ ७ गतेदेखि शुरु हुन गईरहेको स्व. हरिचन्द्र साह मेमोरियल कप इन्टर स्कुल फुटबल प्रतियोगिताको तयारी पूरा भएको छ ।

आयोजकले प्रतियोगिताको खेलतालिका समेत सार्वजनिक गरेको छ । प्रतियोगिताको उद्घाटन खेलमा भदौ ७ गतेका दिन उदयपुर सौगात एकेडेमी र श्री बालमन्दिर मावि भिड्ने खेलतालिकामा उल्लेख छ ।

प्रतियोगिताको विजेताले उपाधिसहित नगद ३० हजार हात पार्नेछ भने उपविजेताले २० हजारसहित ट्रफी, मेडल र प्रमाणपत्र प्राप्त गर्नेछ । कुल १४ टोलीहरुको सहभागिता रहेको प्रतियोगिताको फाइनल खेल भदौ २० गतेका दिन हुनेछ ।