उर्लाबारी । ब्लुम डिजिटलको आयोजनामा यही भदौ १८ र १९ गते दुई दिवसीय विद्यालयस्तरीय फुटसल प्रतियोगिता हुने भएको छ ।

उर्लाबारी स्थित ब्लुम डिजिटल स्टूडियोको आयोजना र उर्लाबारी बारीष्टा एकाडेमीको सह–आयोजनामा दुई दिन संचालन हुने उक्त प्रतियोगितामा उर्लाबारीका माध्यमिक तहका विद्यालयको सहभागिता रहने आयोजक ब्लुम डिजिटलका अध्यक्ष सुदिप भट्टराईले जानकारी दिए ।

उर्लाबारी –४ मा रहेको उर्लाबारी फुटसलमा हुने सो प्रतियोगिताको विजेताले नगद रु २१ हजार १ सय ११, उपविजेताले ११ हजार १ सय ११ सहित ट्रफी, मेडल र प्रमाणपत्र प्राप्त गर्नेछन् ।

यस्तै विधागततर्फ उत्कृष्ट खेलाडी, वेष्ट डिफेन्स, हाई स्कोरर, वेष्ट गोलकिपर, वेष्ट डिफेन्डरलगायतका विधाहरुमा पनि खेलाडीलाई पुरस्कृत गरिने ब्लुमका अध्यक्ष भट्टराईले जानकारी दिए ।

केआईईसी इटहरी को मुख्य प्रयोजन रहने सो प्रतियोगिताको नाम केआईईसी ईन्टर स्कूल फुटसल टुर्नामेन्ट २०२४ राखिएको आयोजकले जनाएको छ ।