हेटौडा । यहाँ जारी मकवानपुर जिल्ला लिग फुटबल प्रतियोगिता अन्तर्गत सोमबार पनि चार खेलहरु सम्पन्न भएका छन् । गौरीटारमा भएको पहिलो खेलमा पशुपति युवा क्लबले युनाइटेड नाइनलाई २–१ ले हरायो । सोही मैदानमा भएको अर्को खेलमा एफसी पोताला र परेलि युवा क्लबले २–२ गोलको बराबरी खेल्दै अंक बाँडे ।

त्यस्तै सिमलटार मैदानमा भएको पहिलो खेलमा शहिद स्मृति र हाडीखोला युवा क्लबले गोलरहित बराबरी खेले । सोही मैदानमा भएको दोस्रो खेलमा भने प्रगतिशील युवा क्लबले एफसी चाइनाक्वाटरफाइनललाई शून्यका विरुद्ध ७ गोलको फराकिलो अन्तरले हरायो ।

मकवानपुर जिल्ला फुटबल संघको आयोजनामा जारी प्रतियोगिताको विजेताले उपाधिसहित नगद १ लाख हात पार्नेछ भने उपविजेताले ५० हजार प्राप्त गर्नेछ । लिगको समापन असोज ९ गतेका दिन हुनेछ ।