पिपरिचापा । आयोजक गौतम बुद्ध सामुदायिक विकास केन्द्र, पिपरिचापाको चुनौति १–२ ले समाप्त पार्दै जनज्योति युवा क्लब, डिंगरनगर जारी प्रथम गौतम बुद्ध कप खुला नकआउट फुटबल प्रतियोगिताको फाइनलमा प्रवेश गरेको छ ।

मंगलबार भएको प्रतिस्पर्धात्मक खेलमा जनज्योतिका लागि रोजल दहाल र सुरेश कुमालले गरे । पराजित गौतम बुद्धका लागि भने सन्देश दगामीले एक मात्र गोल फर्काए । खेलमा जनज्योतिका गोलरक्षक राहुल मुखिया म्यान अफ द म्याच घोषित भए ।

जनज्योतिले अब यही भदौ २० गते बिहीबारका दिन हुने फाइनलमा खस्यौली फुटबल क्लब, बुटवलसँग उपाधका लागि भिड्नेछ । खस्यौलीले सोमबार मात्रै पहिलो सेमिफाइनलमा हरैया युवा क्लबलाई ५–२ ले हराउँदै फाइनल प्रवेश गरिसकेको छ ।

गौतम बुद्ध सामुदायिक विकास संस्था, कञ्चन–५, पिपरिचापा, रुपन्देहीको आयोजनामा जारी प्रतियोगिताको विजेताले उपाधिसहित नगद १,०१,१११ रुपैयाँ हात पार्नेछ भने उपविजेताले ५५,५५५ रुपैयाँ प्राप्त गर्नेछ ।