हेटौडा । मकवानपुर जिल्ला लिग फुटबल प्रतियोगिता अन्तर्गत एफसी पोतालाले फराकिलो जितका साथ आफ्नो समूहमा बलियो पकड बनाएको छ । पोतालाले हेटौडा भेट्रान्स माथि १०–१ को जित निकाल्दै नकआउट चरण प्रवेशको सम्भावना थप बलियो बनाएको हो ।

त्यस्तै अर्को खेलमा प्रगतिशिल युवा क्लबले युनाइटेड नाइनलाई शून्यका विरुद्ध ४ गोलले हरायो । शहिद स्मृति क्लबले एफसी चाइनामाथि ३–२ को जित दर्ता गर्दा प्रतिभा युवा क्लबले पशुपति युवा क्लबमाथि ४–० को जित निकाल्यो ।

मकवानपुर जिल्ला फुटबल संघको आयोजनामा जारी लिग विजेताले उपाधिसहित नगद १ लाख हात पार्नेछ भने उपविजेताले ५० हजार प्राप्त गर्नेछ । कुल २८ टोलीहरुको सहभागिता रहेको लिगको समापन असोज ९ गतेका दिन हुनेछ ।