चपरहट्टी । आयोजक चपरहट्टी फुटबल क्लब र तिलोत्तमा–०८ फुटबल टिम यहाँ जारी तेस्रो चपरहट्टी कप सेभेन ए साईड खुला नकआउट फुटबल प्रतियोगिताको सेमिफाइनलमा प्रवेश गरेका छन् ।

तिलोत्तमा–१ स्थित आयोजक क्लबको खेलमैदानमा भएको पहिलो क्वाटरफाइनल खेलमा चपरहट्टीले दोभान फुटबल क्लबलाई पेनाल्टी शुटआउटमा ६–५ ले हरायो । त्यसअघि निर्धारित समयको खेल दुवै टोलीले २–२ गोलको बराबरी खेलेका थिए ।

त्यस्तै दोस्रो क्वाटरफाइनल खेलमा लिोत्तमा–०ड ले खल्लुकधार क्लबलाई शून्यका विरुद्ध ३ गोलले हराउँदै अन्तिम चारमा स्थान बनाउन सफल भयो ।

कुल ३० टोलीहरु सहभागि प्रतियोगिताको विजेताले उपाधिसहित नगद ५० हजार हात पार्नेछ भने उपविजेताले २५ हजारसहित ट्रफी, मेडल र प्रमाणपत्र प्राप्त गर्ने खेल संयोजक साजन रासकोटीले जानकारी दिए ।