सुपौली । रुपन्देहीमा आफूले सञ्चालन गरेको चार फरक एकेडेमीहरुका खेलाडीहरु बीच क्षमता अभिवृद्धि गर्ने उद्देश्यका साथ बुटवल लुम्बिनी फुटबल र बुटवल लुम्बिनी फुटबल एकेडेमीको आयोजना तथा समपुर्ण युवा क्लब, सुपौलीको संयोजन शुरु भएको दुई दिने युथ फुटबल प्रतियोगिताको फाइनल समिकरण पूरा भएको छ । बुटवल लुम्बिनी एफए अन्तर्गत कै चार टोलीहरु सहभागि प्रतियोगिताबाट बुटवल लुम्बिनी एफए (हरियो) र (रातो) फाइनल प्रवेश गरेका छन् ।

प्रतियोगिताको पहिलो दिन भएका दुई सेमिफाइनलतर्फ पहिलो सेमिफाइनलमा बुटवल लुम्बिनी एफए (हरियो) ले बुटवल लुम्बिनी एफए (निलो) लाई ३–१ ले हराउँदै फाइनल प्रवेश गर्यो । दोस्रो सेमिफाइनलमा बुटवल लुम्बिनी एफए (रातो) ले बुटवल लुम्बिनी एफए (सेतो) लाई ५–१ ले हराउँदै फाइनल स्थान पक्का गर्यो ।

फाइनल खेल असोज २४ गते बिहीबार बिहान ८ बजेदेखि शुरु हुने बुटवल लुम्बिनी फुटबल एकेडेमीका अध्यक्ष असिम भट्टराईले जानकारी दिए । त्यसअघि प्रतियोगिताको उद्घाटन एन्फाका पूर्व केन्द्रिय उपाध्यक्ष तथा वरिष्ठ फुटबल अभियन्ता हरि प्रसाद श्रेष्ठले गरेका थिए । सो अवसरमा वरिष्ठ फुटबल प्रशिक्षक यम प्रसाद गुरुङ, समपुर्ण युवा क्लबका अध्यक्ष अबिर पुन, संरक्षक अशोक पुन, सचिव रवि अर्याल, कोषाध्यक्ष तारा केसी, सदस्य हेम पुन लगायतको उपस्थिति रहेको थियो ।