केराबारी । केराबारी फुटबल क्लब, मोरङको आयोजनामा यही पुष २० देखि शुरु हुन गईुरहेको तेस्रो मच्छिन्द्र कप खुला नकआउट फुटबल प्रतियोगिताको खेलतालिका सार्वजनिक गरिएको छ ।

केराबारी–८, मोरङ स्थित केराबारी रंगशालामा हुन गईरहेको प्रतियोगिताको उद्घाटन खेलमा रारा एफसी, धनकुटा र पानबारी एफसी, धरान भिड्ने छन् । कुल आठ टोलीहरु सहभागि प्रतियोगिताको फाइनल खेल पुष २६ गतेका दिन हुनेछ ।

केराबारी गाउँपालिका, केराबारी, मोरङ मुख्य प्रायोजक रहेको प्रतियोगिताको विजेताले उपाधिसहित नगद ३ लाख हात पार्नेछ भने उपविजेताले १ लाख ५० हजारसहित ट्रफी, मेडल र प्रमाणपत्र प्राप्त गर्नेछ ।

साथै प्रतियोगिताको आधिकारिक मिडिया पार्टनर रहेको गोलनेपाल डटकमले सबै खेलहरु प्रत्यक्ष प्रसारण समेत गर्नेछ ।