गौरीगंगा । गौरीगंगा–११ स्पोर्टस क्लब, कैलालीको आयोजनामा यही फागुन ७ गतेदेखि १४ गतेसम्म जय पृथ्वीबहादुर सिंह पाँचौं गौरीगंगा गोल्डकप राष्ट्रिय फुटबल प्रतियोगिता हुने भएको छ ।

आयोजक क्लब कै खेलमैदानमा हुने प्रतियोगिताको आवश्यक तयारी पनि पूरा भएको आयोजकले जानकारी दियो । प्रतियोगितामा सातै प्रदेशका उत्कृष्ट टोलीहरुको सहभागिता रहने पनि आयोजकले जनाएको छ ।

प्रतियोगिताको विजेताले उपाधिसहित नगद ५ लाख हात पार्नेछ भने उपविजेताले २ लाख ५० हजारसहित ट्रफी प्राप्त गर्नेछ । त्यस्तै विधागततर्फ पनि उचित पुरस्कारको व्यवस्था गरिएको आयोजक क्लबका अध्यक्ष दिनेश कलेलले जानकारी दिए ।