गिरुबारी । एभरेष्ट क्लब, चितवन यहाँ जारी ३८औं युनाइटेड गोल्डकप खुला नकआउट फुटबल प्रतियोगिताको क्वाटरफाइनलमा प्रवेश गरेको छ ।

आयोजक युनाइटेड युवा क्लब, गिरुबारीलाई २–१ ले हराउँदै एभरेष्ट अन्तिम आठमा प्रवेश गरेको हो । प्रतियोगिता अन्तर्गत भदौ २० गते बिहीबारको खेल साविक विजेता सेन्ट्रल कलेज २८ बिगाहा र नवलपुर–११ बीच हुने आयोजकले जानकारी दियो ।

युनाइटेड युवा क्लब, गिरुबारीको आयोजनामा जारी प्रतियोगिताको विजेताले उपाधिसहित नगद २ लाख ५० हजार हात पार्नेछ भने उपविजेताले १ लाख ५० हजार हात पार्नेछ । फाइनल खेल भदौ २९ गतेका दिन हुनेछ ।