चपरहट्टी । माछापुच्छ्रे फुटबल क्लब र तिलोत्तमा–८ फुटबल क्लब यहाँ जारी तेस्रो चपरहट्टी कप खुला सेभेन ए साईड नकआउट फुटबल प्रतियोगिताको दोस्रो चरणमा प्रवेश गरेका छन् ।

तिलोत्तमा–१, चपरहट्टी स्थित आयोजक क्लब कै खेलमैदानमा भएको पहिलो खेलमा माछापुच्छ्रेले इकोब क्लबलाई टाईब्रेकरमा ३–२ ले हरायो । त्यसअघि निर्धारित समयको खेल दुवै टोलीले २–२ गोलको बराबरी खेलेका थिए ।

त्यस्तै दोस्रो खेलमा तिलोत्तमा–८ फुटबल क्लबले ओल्ड ब्वाईज फुटबल क्लबलाई ४–२ ले हराउँदै दोस्रो चरणमा स्थान बनाउन सफल भयो ।

कुल ३० टोलीहरु सहभागि प्रतियोगिताको विजेताले उपाधिसहित नगद ५० हजार हात पार्नेछ भने उपविजेताले २५ हजारसहित ट्रफी, मेडल र प्रमाणपत्र प्राप्त गर्ने खेल संयोजक साजन रासकोटीले जानकारी दिए ।