भलुवाचौरी । सहज जितका साथ आयोजक इन्द्रणी क्लब यहाँ जारी प्रथम अमाह सिमसार च्यालेञ्ज कप नकआउट फुटबल प्रतियोगिताको सेमिफाइनलमा प्रवेश गरेको छ ।

सोमबार भएको तेस्रो क्वाटरफाइनलतर्फ इन्द्रेणीले रामधुनी फुटबल क्लबलाई शून्यका विरुद्ध ५ गोलले हराउँदै अन्तिम चारमा प्रवेश गरेको हो । प्रतियोगिता अन्तरगत असोज ९ गते मंगलबारको चौथो तथा अन्तिम क्वाटरफाइनल खेल बेलटार एफसी र तालतलैया एफसीबीच हुने आयोजकले जानकारी दियो ।