बुढिगंगा । ग्रीन सिटी क्लब, बनरझुला, बुढिगंगा, मोरङ यहाँ जारी प्रथम बुढिगंगा मनसुन कप नकआउट फुटबल प्रतियोगिताको क्वाटरफाइनलमा प्रवेश गर्ने अन्तिम टोली बनेको छ ।

बुढिगंगा–५, मोरङ स्थित कर्मविर माविको खेलमैदानमा भएको अन्तिम प्रिक्वाटरफाइनलतर्फ ग्रीन सिटीले राज क्लब, खनार, इटहरीलाई २-१ ले हराउँदै क्वाटरफाइनल स्थान पक्का गरेको हो ।

ग्रीन सिटीको जितमा अर्जुन चौधरी र अनुराग माझीले गोल गरे । पराजित राज क्लबका लागि भने सुजन चौधरीले गोल फर्काएका थिए । खेलमा ग्रीन सिटीका अर्जुन चौधरी म्यान अफ द म्याच घोषित भए ।

प्रतियोगिता अन्तर्गत साउन १९ गते शनिबारको पहिलो क्वाटरफाइनल खेल दुहबी युथ क्लब, सुनसरी र हिमचुली क्लब, दमक झापा बीच हुने आयोजकले जानकारी दियो ।

यही साउन २६ गतेसम्म चल्ने प्रतियोगिताको विजेताले उपाधिसहित नगद २५ हजार हात पार्नेछ भने उपविजेताले १५ हजार प्राप्त गर्नेछ ।