बुढिगंगा । रोमाञ्चक जित हात पार्दै श्री शान्ति युवा स्र्पोटिङ क्लब, इटहरी जारी प्रथम बुढिगंगा मनसुन कप नकआउट फुटबल प्रतियोगिताको सेमिफाइनलमा प्रवेश गर्ने पहिलो टोली बनेको छ ।

शनिबार भएको पहिलो सेमिफाइनलमा श्री शान्ति युवाले दुहबी युथ क्लब, सुनसरीलाई २–१ ले हराउँदै अन्तिम चारमा प्रवेश गर्न सफल भएको हो ।

बुढिगंगा–५, मोरङ स्थित कर्मविर माविको खेलमैदानमा भएको पहिलो क्वाटरफाइनलतर्फ श्री शान्ति युवाका लागि दिलसान र सबिनले गोल गरे । पराजित दुहबीका लागि अभिषेक गुरुङ्गले गोल गरेका थिए ।

खेलमा श्री शान्ति युवाका दिलसान म्यान अफ द म्याच घोषित भए । प्रतियोगिता अन्तर्गत साउन २० गते आइतबारको दोस्रो क्वाटरफाइनल खेल गोल्डेन स्टार युथ क्लब, भलुवा र दुहबी, सुनसरी वार्ड नम्बर ४ बीच हुने आयोजकले जानकारी दियो ।

यही साउन २६ गतेसम्म चल्ने प्रतियोगिताको विजेताले उपाधिसहित नगद २५ हजार हात पार्नेछ भने उपविजेताले १५ हजार प्राप्त गर्नेछ ।