काठमाडौं । आउँदै गरेको महान पर्व दशैं र दिपावलीको अवसर पारी पोखरा फुटबल क्लब, लिस्बन, पोर्चुगलको आयोजनामा सेप्टेम्बर ८ तारीखका दिन पोखरा गोल्डकप युरोपस्तरीय सेभेन ए साईड फुटबल प्रतियोगिता हुने भएको छ ।

लिस्बन स्थित भिटोरिया दि क्लबमा हुने प्रतियोगिताको टिमदर्ता पनि खुला गरिएको छ । साथै टिमदर्ता शुल्क ३५० युरो तोकिएको छ । प्रतियोगिताको विजेताले ३००० युरोसहित खसी हात पार्नेछ भने उपविजेताले १५०० युरोसहित कुखुराको भाले प्राप्त गर्नेछ ।

त्यस्तै व्यक्तिगत विधातर्फ उत्कृष्ट खेलाडी, उत्कृष्ट गोलरक्षक र सर्वाधिक गोलकर्ता गरी तीन विधाका खेलाडीहरुलाई जनही ५०–५० युरोसहित ट्रफी प्रदान गरिने पनि आयोजकले जानकारी दियो ।

प्रतियोगिताबारे विस्तृत जानकारीका लागि सम्पर्क व्यक्ति र नम्बरहरुः

प्रजेश गुरुङ (927749589)
अनिश गुरुङ (920280014)